認識自己,這是希臘三哲人之一蘇格拉底👳🏻‍♀️一生追求的事,佢喜歡在與人對談時,幫助其他人了解自己。咁其實認識自己有咩用🤔?好多人飽食終日,無所用心,人云亦云,容易受人影響,人地話佢一句就唔開心😵,其實係因為佢唔了解自己,所以會被人地的說話影響自己的價值觀,今日小編會係講解點樣認識自己之前,講下有咩好處😎😎。

1.了解自己的優點和缺點💃🏻

無人完美,手指都有長有短🤙🏻。成日面試都會問你有咩優點缺點,咁其實有咩用?當你知道自己的長處,可以加以利用,發揮自己。而知道自己的缺點亦同樣重要,因為可以知道自己有咩要進步,亦可以了解自己的定位,提升工作效率👨🏻‍💻👩🏻‍💻。例如小編係個文科人,咁數學📊一定無咁好,所以有關於數學的tasks 都會請朋友幫忙,唔會話覺得自己一定要數學都好叻,反而係知道自己有咩strength and weakness,放適當的時間去improve 不同的skills,成為一個all-round 的人🕴🏻。 值得一提的係Steve Jobs 都係個designer🖌,其實唔係好識IT,佢成功改變世界都係靠一個團隊的力量,並非自己一個💪🏼。

2.更容易做對的決定👍🏻

好多人都有選擇恐懼症🤢,成日唔知自己想點,想人地幫佢做決定。其實好多程度係唔清楚自己的性格或者係取向。例如人編係一個好怕悶的人😎,唔鍾意坐office,所以即使有一份待遇好的office工,人編都可以好果斷咁決定唔做🙅🏻‍♂️,而多出來的時間做其他野來增值自己。

3.碰到更多機會👑👑

唔知大家有無聽過*吸引力法則*,簡單來講就係只要你諗多啲一樣野,樣野自己就會容易啲成真🤩。雖然聽落佢有啲滑稽,但有唔同科學的研究都可以作一定程度的解釋。其中一個就係你了解自己多啲,自然知道自己想點,自然會察覺到身邊更多的機會,就會易啲成功。例如你好清楚自己好鍾意畫畫,目標係勝出畫畫比賽,咁你自然會留意下有無比賽,之後就去參加,就算贏唔到都攞到經驗,為下次成功作準備,試問你連自己想點都唔知,又點會成功?🤨🤨

4.知道自己的熱情🔥

熱情係啲咩?熱情就係你好享受做一樣事情,即使無金錢💰上或其他的回報,你都願意用自己200%的努力去做,都唔會攰。咁熱情有咩重要?好多人每日營營役役,為咗金錢而工作,但不感到滿足😢。而找到自己的熱情,享受當下,便能達到自我實現,提升幸福感。

當然認識自己是一輩子的事情,有一位師長曾經同我講過,一個人最開心的事情,就係能認識自己,各位growhunter,共勉之。

想知道其它個人成長,提升效率,生涯規劃,青年活動的推介, 記住👍🏻 GrowHunter 的Facebook Page